أنا حبيبي بسمته تخجل الضي
	يكسف سنا بدر الدجى من جبينه
راعي العيون الناعسه رمشها فّي
	وإن سلهمت ذاب الحشا من حنينه
له نظرةِ لا هي سَرابٍ ولا مَيّ
	راعي الهوى تفنى وراها سنينه
نور الصبايا .. بسمة الدّار والحيّ
	نوره ولا شمس الضحى تستبينه
دامه معي أغلى الحبايب فأنا حّي
	بالقلب أضمّه يوم قلبي ضنينه
له في ضميري من لهيب الوله كي
	روحي معه عذب المناجى رهينه
ياصاحبي لا تنشد الروح عن شيّ
	أنا حبيبي .. نور كل المدينه

الله يرد خطاك لدروب خلانك
	لعيون ما تنساك لو طال هجرانك
دام الأمل موجود فالنفس خضاعه
	حق العيون السود السمع والطاعه
الله يردك لي .. يا مطول غيابه
	يا معذبي هجري .. مدري وش أسبابه
دام الأمل موجود .. فالنفس خضاعه
	حق العيون السود السمع و الطاعه
ياللي بعدك اليوم .. نبكي على باكر
	صبري عليك يدوم .. مادمت أنا فاكر
إن الأمل موجود .. فالنفس خضاعه
	حق العيون السود السمع و الطاعه

آه ... من ليل التجافي ... ماطوله
	ليلة العاشق ثوانيها ليال
من يقول الشمس باكر مقبله
	كل شمسٍ مالها وجهك ظلال
بسالك باللي خذى منك الوله
	وحطه اف صدري واعطاك الجمال
حاكني ... لجل الليالي ...الآوله
	آه انا بموت من ذل السؤال
هو صحيح انك حبيبي اللي دله
	واستوى عندك فراقي والوصال
كل جرحٍ غير جرحك بقبله
	وكل ظلم ٍ غير ظلمك لي عدال

الله أقوى غدا شوفك سراب
	كيف أبا أروي حنيني .. بالظما
يا ممنى حياتي .. بالسحاب
	وين غيث المحبه .. ما هما
اجدبت بالحشا أرض العذاب
	واشتكت من تجافيك السما
كيف ترضى عليّ .. طول الغياب
	وانت حبك جرى مجرى الدما
يا حبيبي ذوى قلبي وذاب
	من عذابه وبيح ما كما
وعل عينٍ .. رضت فيك العتاب
	تشتكي بعد نوره م العمى

انا احبك مابها زيف وخداع
	رغم الذي نخفيه .. واللي نخافه
أودعك .. ليت الألم لحظة اوداع
	إلى مضت .. ننسى الألم والحسافه
وأفارقك.. لوالسفر .. يم وشراع
	وبعد الفراق .. اللي نوده نعافه
لا صار مافي البعد راحه لملتاع
	بالله وش نفع التعب والكلافه
من الجفا والصد .. يكفيني اذراع
	لا جف نهر الحب ماتت اضفافه
املي يدك رمل وترى هذي القاع
	ومدي النظر .. تدرين وش هي المسا