لابد من يوم(ن) تجي فيه الاحزان=للرجل ابوصدر(ن) وسيع وشمالي
والله ماني فيه ساخر وشمتان=غير اتعجب من صدوف الليالي
وانا احمد الله عندي ربوع واخوان=مافيهم اللي قال ذا لك وذا لي

الشايب اللي يونّ من القسا والتعب=ونته لاون في كبدي صدى صوتها
الله يبارك له اللي باقي(ن) من رجب=وليالي الصوم جعله يحيي قنوتها

علمي بهم يوم شدوا وانتوو حدرى=وحنّا ضعنّا نسوقه عكسهم .. قبله
عز الله انها علي ذيك السنه قشرى=من ثم وقلبي عليل .. ولا بغيت ادله

هب الهبوب وعادته ينعش الروح=والروح محتاجه لصفق الهبايب
ان زانت اوضاعي فلابد ماروح=وانحر فجوج الباديه والترايب
اشوف مالي فالبلادين مصلوح=ذي فرصتي قدام لاصير شايب
والله والى عشنا بعمر النبي نوح=اشغالنا ماتنتهي والنوايب

ارحب ولاتكفي وزدها ملايين=مليون في مليون من كلمة ارحب
يامحزمي في ساعة العسر واللين=ماقولها مدحه .. ولكن مجرب
يانسل منهم في الملاقا مسميين=جدك معرب وانت مثله معرب

فقير ولا غني ماهمني صاحبي=اصاحبه لاجل طيب اخلاقه الراقيه
اللي يلا ضيّقت بي وقف بجانبي=حتى لو انه رحل مواقفه باقيه